जीवन एउटा लय एवं गति हो, सायद । चार दशकदेखि अविच्छिन्न नाटक लेखन, निर्देशन र मञ्चनमै रमाएका अशेष मल्लको यात्रा लयबद्ध छ, गतिशील छ । बहुविध जीवनका स्केचहरू रंगमञ्च र सडकका किनाराहरूमा कोर्दै आएका मल्लका व्यवहार भने नाटकीय लाग्दैनन् । सहज, सरल र सुविचरित शैलीमै उनी आफूलाई उभ्याउँछन् र नेपाली नाट्य क्षेत्रलाई समृद्ध, परिपक्व र पुस्तान्तरको चपेटाबाट पृथक राख्न चाहन्छन् । ‘सर्वनाम’ र ‘अशेष’ एकै रूखका हाँगा र पातजस्ता अभिन्न लाग्छन् । पात झरे हाँगा निर्वस्त्र हुन्छ र हाँगा काटे पातहरू ओइलाउँछन् ।

युट्युबमा गएर ‘नेपाली सर्ट मुभी’ टाइप गरियो भने त्यहाँ सयौंको संख्यामा भेटिन्छ । सन्देशमूलक, ज्ञानबद्र्धकदेखि लिएर यौन विषयमा आधारित सामग्रीहरू प्रशस्तै छन् । आफूलाई मन लागेअनुसार हेर्न सकिन्छ । ‘हरर’देखि लिएर ‘सिडक्टिभ’सम्मका सर्टमुभी छ्यापछ्याप्ती छन् । युट्युबमा सजिलै हेर्न सकिने सर्टमुभीमा युवाको आकर्षण उस्तै छ । नेपालमा बन्ने सर्टमुभीले यौन सामग्री मात्रै प्रस्तुत गर्‍यो भनेर बेला–बेलामा आरोप पनि नलाग्ने होइन । अश्लीलता नबढेको पनि होइन ।

आफैँले फोहोर व्यवस्थापन गर्न नसकेपछि ०७० सालमा तत्कालीन इटहरी नगरपालिकाको फोहोर व्यवस्थापन निजी क्षेत्रलाई जिम्मा दिइयो । इन्भारो केयर नामक कम्पनीसँग पाँच वर्षको सम्झौता गरेको इटहरी अहिले उपमहानगर भइसकेको छ । तर, फोहोर समस्या ज्यूँकात्यूँ छ । फोहोर उठाउन मासिक पाँच लाख ९० हजार रुपैयाँ दिने गरी जिम्मा दिइएको कम्पनीले यसमा लापरवाही मात्र गरिरहेको छैन, केही लाखको भरमा सञ्चालित कम्पनीले तीन वर्षमा आठ करोड रुपैयाँ नोक्सान भएको बताउँदै क्षतिपूर्तिसमेत दाबी गरिरहेको छ ।

प्रदेश १, २, ५ र ७ मा आगामी ३१ जेठमा स्थानीय तहको चुनाव तालिका बनाएको छ, निर्वाचन आयोगले । प्रदेश ३, ४ र ६ मा पहिलो चरणको निर्वाचन सफल भइसकेको छ । बाँकी चार वटा प्रदेशका मतदाता र उम्मेदवारमा पनि चुनावको व्यग्रता देखिन्छ । सम्भावित उम्मेदवारको चर्चा कायम रहँदा राजनीतिक दलहरू चुनावी अभियानमा होमिइसकेका छन् । तोकिएको मिति तलमाथि हुन सक्ने शंका कायमै छ ।

एकै पटक मेरो टोलमा धेरै गाडी भित्रिए । यो खुशीकै कुरा हो । किनकि, टोलवासीहरूको आर्थिकस्तर उन्नत नभएको भए घर–घरमा गाडी कसरी भित्रिन्थे होला र ? टोलवासीले थरीथरी रङका गाडीहरू भित्र्याए। कसैका राता थिए, कसैका सेता, कसैका धर्केमर्के त कसैका बहुरंगी । जेहोस्, टोलमा नयाँ–नयाँ गाडी भित्रिएको हुँदा म अत्यन्तै खुशी भएँ । गाडीहरू भित्रिएसँगै टोलमा एउटा समस्या भने थपियो । अरू केही होइन, गाडीवालाहरूबीच हर्न बजाउने सवालमा निकै प्रतिस्पर्धा चल्न थाल्यो ।